პრეზიდენტის ბრძანებულებით, საქართველოს კანონმდებლობის შესაბამისად, შეიქმნა შემდეგი ორგანიზაციები, რომელთა სახელმწიფო კონტროლს ახორციელებს საქართველოს თავდაცვის სამინისტრო.

1.საქართველოს პრეზიდენტის 2004 წლის 25 სექტემბრის N404 ბრძანებულებით შექმნილია საქართველოს სახელმწიფო ჰიდროგრაფიული სამსახური.
აღნიშნული სამსახურის ფუნქციებსა და მიზნებს წარმოადგენს:
სანავიგაციო მოწყობილობებისა და საშუალებების მეთვალყურეობა და მომსახურების უზრუნველყოფა საქართველოს საზღვაო ადმინისტრაციასთან შეთანხმებით;
სანავიგაციო და ჰიდროგრაფიული მომსახურების უზრუნველყოფა საქართველოს პასუხისმგებლობის ზონაში;
თავისი უფლება-მოსილების ფარგლებში საქართველოს თავდაცვის სამინისტროს მომსახურება ანაზღაურების გარეშე.
სამსახურის იურიდიული მისამართია: საქართველო, ქ. ფოთი, ფიროსმანის ქუჩა N7; ტელ, ფაქსი: 7-16-49.

2. საქართველოს პრეზიდენტის 2005 წლის 30 მაისის N394 ბრძანებულებით შექმნილია სახელმწიფო სამხედრო სამეცნიერო-ტექნიკური ცენტრი "დელტა".

ცენტრის ფუნქციებია:
სამხედრო მასალების, მოწყობილობების კვლევა და განვითარება, ინფორმაციის დაცვის პროგრამული უზრუნველყოფა, სპეციფიური ინფორმაციული სისტემების, ეროვნული ოპტიკურ-ელექტრონული ტექნიკის, სამხედრო ობიექტებისა და შენობა-ნაგებობების უსაფრთხოების მართვა;
სამხედრო მიზნების მეცნიერული კვლევებისა და საცდელ-საკონსტრუქციო სამუშაოების პრიორიტეტების განსაზღვრა.
ცენტრის იურიდიული მისამართია: ქ. თბილისი, მნათობის ქუჩა # 73,
ტელ.: 95 60 80
ფაქსი: 95 60 80; 95 76 59

 3.  საქართველოს პრეზიდენტის 2006 წლის 15 აგვისტოს N483 ბრძანებულების შესაბამისად შეიქმნა საჯარო სამართლის იურიდიული პირი “საქართველოს თავდაცვის სამინისტროს სამხედრო ჰოსპიტალი”. ცენტრის ფუნქციებია:

ახორციელებს თავდაცვის სამინისტროს საჯარო, მათ შორის სამხედრო მოსამსახურეების, თავდაცვის სამინისტროდან თადარიგში დათხოვნილი პენსიონერების, აგრეთვე მათი ოჯახის წევრების (მეუღლე, შვილი, დედა, მამა), იურიდიული და ფიზიკური პირების სამედიცინო მომსახურებას.

“სამხედრო ჰოსპიტლის” იურიდიული მისამართია: ქ. გორი, ჭავჭავაძის ქ. #56