-
სიახლეების კალენდარი
<< >> ორშ სამ ოთხ ხუთ პარ შაბ კვ 
-
01 ივლისი 2010 14:36
”თბილავიამშენი”
შპს „თბილავიამშენი“ საქართველოს თავდაცვის სამინისტროს უერთდება. სამინისტროში ახალი საჯარო სამართლის იურიდიული პირის შექმნაზე მიმდინარეობს მუშაობა, რაც სამხედრო სარემონტო– სამრეწველო კომპლექსის ჩამოყალიბებას გულისხმობს. გაერთიანებაზე მოლაპარაკებები „თბილავიამშენის“ მიერ თავდაცვის სამინისტროსთვის ერთობლივი მუშაობის გეგმის წარდგენით დაიწყო. „თავდაცვის სამინისტროს შემადგენლობაში ”თბილავიამშენის” შემოსვლის ინიციატივა თავად ავიამშენის ხელმძღვანელობას ეკუთვნის. ჩვენთვის ეს წინადედება მისაღებია. მათთან ჩვენ დიდი ხანია ვთანამშრომლობთ, რაც ძირითადად – ტექნიკის სარემონტო მომსახურების შესყიდვას გულისხმობს. ”თბილავიამშენის” თავდაცვის სამინისტროს შემადგენლობაში ყოფნა მთელ რიგ პროცედურებს გაამარტივებს,“ განაცხადა დღეს გამართულ ბრიფინგზე თავდაცვის სამინისტროს შესყიდვების დეპარტამენტის უფროსმა რევაზ ჭარბაძემ. „ჩვენი ძირითადი დამკვეთი სწორედ თავდაცვის სამინისტროა, ვიფიქრეთ, რომ ორივე მხარისთვის მომგებიანი იქნებოდა ერთობლივი მუშაობა. თავდაცვის სამინისტროს ხელმძღვანელობას წარვუდგინეთ ჩვენი გეგმები და ინიციატივა. გვიხარია, რომ მივიღეთ თანხმობა და ჩართული ვიქნებით სამხედრო სამრეწველო კომპლექსის მუშაობაში,“ აცხადებს კომპანიის გენერალური დირექტორი პანტიკო თორდია. თავდაცვის სამინისტრო ოფიციალურად უარყოფს რამდენიმე საინფორმაციო საშუალების მიერ გავრცელებულ ინფორმაციას საკადრო ცვლილებებთან დაკავშირებით.
საბეჭდი ვერსია