<<

>>

ორშ	სამ	ოთხ	ხუთ	პარ	შაბ	კვ



16 ნოემბერი 2009 17:40

საბეჭდი ვერსია

სამშვიდობო მისია

საქართველოს შეიარაღებული ძალების სამშვიდობო ასეული ავღანეთში გაემგზავრა. სამშვიდობო მისიის შემადგენლობა საქართველოს თავდაცვის მინისტრმა ბაჩო ახალაიამ გააცილა. “ჩვენი ბიჭები კარგად არიან მომზადებული და ეს მაძლევს იმის იმედს  რომ მათზე დაკისრებულ ვალდებულებას წარმატებით გაართმევენ თავს, ჩვენ ვაცნობიერებთ რომ ISAF-ი არის ნატოს უმთავრესი პრიორიტეტი, საერთაშორისო უსაფრთხოებაზე ყველამ უნდა ვიზრუნოთ, ავღანეთში მშვიდობისა და სტაბილურობის დამკვიდრება ჩვენი  საერთო ამოცანაა. უახლოეს მომავალში ამ ბიჭებთან ავღანეთში ჩავალ და მოვინახულებ,” განაცხადა თავდაცვის მინისტრმა. სახმელეთო ჯარების მეორე ქვეითი ბრიგადის 23-ე ბატალიონის სამხედრო მოსამსახურეები ISAF-ის (საერთაშორისო უსაფრთხოების უზრუნველყოფის ძალები) ოპერაციაში მიიღებენ მონაწილეობას. ქართული სამშვიდობო ასეული მისიას ფრანგული კონტიგენტის შემადგენლობაში შეასრულებს.
სამშვიდობო ასეულის გაცილების ცერემონია დღეს ვაზიანის სამხედრო ბაზაზე გაიმართა. ასეულს მისიაში მონაწილეობისათვის საბრძოლო დროშა გადაეცა. ქართველმა ჯარისკაცებმა მამა დავითისგან ლოცვა-კურთხევა მიიღეს. თავდაცვის მინისტრის სახელით  “ქაქუცა ჩოლოყაშვილის” უწყებრივი მედლით  ექვსი სამხედრო მოსამსახურე დაჯილდოვდა. დღეს ავღანეთში სულ 172 სამხედრო მოსამსახურე და  კაპელანი–მართლმადიდებელი მღვდელი მამა იოსები გაემზავრა. არქივი 01.07.2009 - მდე